ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ލ.ހިތަދޫގައި ހިންގާ މަޝްރޫއުތަކަށް ބޭނުންވާ ސާމާނުތައް ފޮނުވުމުގެ މަސައްކަތް ފަށައިފި އެވެ.
އާރްޑީސީން މިކަން ހިއްސާކޮށް އެކްސްގައި ވަނީ ޕޯސްޓު ކޮށްފަ އެވެ.
އާރްޑީސީން ބުނީ ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން އެރަށުގައި ހިންގުމަށް ހަމަޖެހިފައިވާ މަޝްރޫއުތަކަށް ބޭނުންވާ ސާމާނު ފޮނުވުމުގެ މަސައްކަތް ކަމަށެވެ. އަދި މި މަސައްކަތް ކޮށްފައިވަނީ މިއަދު މެންދުރު ހާއިރު ކަމަށް އާރްޑީސީން ކޮށްފައިވާ ޕޯސްޓުގައިވެ އެވެ.
އާރްޑީސީން މިދިޔަ މަހުގެ 20 ވަނަ ދުވަހު ވަނީ ފުލުހުންގެ މަރުކަޒު އިމާރާތް ކުރުމުގެ އަމަލީ މަސައްކަތް ފަށައިފަ އެވެ. އަދި ފުޓްބޯޅަ ދަނޑު ގާއިމްކުރުމުގެ މަސައްކަތާއި، މަގުތައް ޒަމާނީ ފެންވަރަށް ތަރައްގީ ކުރުމުގެ މަސައްކަތުގެ އެއްބަސްވުމުގައިވެސް 20 ވަނަ ދުވަހު ވަނީ ސޮއިކޮށްފަ އެވެ.
ކިޔުންތެރިންގެ ހިޔާލު