ސަރުކާރަށް ދެ އަހަރު ފުރުން ފާހަގަކުރަން ޕީއެންސީން ފޯރިގަދަ ބޮޑު ޖަލްސާއެއް ބާއްވަން ނިންމައިފިއެވެ.
މި ޖަލްސާ އޮންނާނީ މިމަހުގެ 14 ވާ ހުކުރު ދުވަހުގެ ރޭ އާޓިފިޝަލް ބީޗުގައެވެ.
މި ޖަލްސާގައި ބައިވެރިވުމުގެ ދައުވަތު އެ ޕާޓީގެ އެންމެހައި މެންބަރުންނަށް ވަނީ އަރުވާފައެވެ.
މި ޖަލްސާގައި އެ ޕާޓީގެ ރައީސް އަދި ރާއްޖޭގެ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެސް ވާހަކަފުޅުދައްކަވާނެއެވެ.
ސަރުކާރަށް ދެ އަހަރު ފުރޭއިރު ރާއްޖޭގެ ހުރިހާ ކަންކޮޅުތަކެއްގައި ވަނީ ތަރައްގީގެ މަޝްރޫއުތައް އިފްތިތާހުކޮށްފައެވެ. އޭގެތެރޭގައި ކައުންސިލްގެ އާ އިމާރާތްތައް އެޅުމާއި ފިޓްނަސް ސެންޓަރުތައް ގާއިމްކުރުމާއި ފުލުހުންގެ މަރުކަޒުތައް ގާއިމާއި ޒަމާނީ ފެންވަރުގެ ހޮސްޕިޓަލްތައް ގާއިމް ކުރުން ހިމެނެއެވެ.
މީގެއިތުރުން ރާއްޖޭގެ އެކި ރަށްތަކުގެ މަގުތައް ޒަމާނީފެންވަަރަށް ތަރައްގީ ކުރުމުގެ މަސައްކަތް ވެސް ވަނީ ފެށިފައެވެ.
ދެ އަހަރުގެ ތެރޭގައި ރައީސް މުއިއްޒު ވަނީ ރާއްޖޭގެ މީހުން ދިރިއުޅޭ ހުރިހާ ރަށަކަށް ވަޑައިގެންފައެވެ. މިއީ ރާއްޖޭގެ ތާރީޚްގައި ވެސް މިހާ ކުރު މުއްދަތެއްގެ ތެރޭގައި އެއްވެސް ރައީސަކަށް ކުރެވުނު ކަމެއް ނޫނެނެވެ.
ކިޔުންތެރިންގެ ހިޔާލު