ދިވެހިރާއްޖޭގެ މައި ހޮސްޕިޓަލް، އިންދިރާ ގާނދީ މެމޯރިއަލް ހޮސްޕިޓަލް (އައި.ޖީ.އެމް.އެޗް)ގައި ރާއްޖޭގައި ފުރަތަމަ ފަހަރަށް ފުލް އެންޑޮސްކޮޕިކް ސްޕައިން ސާޖަރީއެއް ކާމިޔާބުކަމާއެކުކޮށް، މި ޚިދުމަތް ރަސްމީކޮށް ތަޢާރަފުކޮށްފިއެވެ.
އައި.ޖީ.އެމް.އެޗުން ބުނީ އެ ހޮސްޕިޓަލްގެ އެމް.ސީ.ޖީ.އެޗްގެ ނިއުރޯސަރޖަރީ ޑިޕާޓްމަންޓުން ވަނީ މި ސާޖަރީ ކާމިޔާބުކަމާއެކު ކުރިއަށް ގެންގޮސްފައެވެ.
މި ސާޖަރީތަކުގެ ތެރޭގައި ފުލް އެންޑޮސްކޮޕިކް ޓްރާންސްފޮރަމިނަލް އަދި އިންޓަރލެމިނަރ ސަރޖަރީތައް ހިމެނެއެވެ. މިއީ ދިވެހިރާއްޖޭގެ ސިއްހީ ދާއިރާއަށް ލިބުނު ވަރަށް މުހިންމު ކުރިއެރުމެކެވެ.
މީގެ އިތުރުން، ނިއުރޯސަރޖަރީގެ ދާއިރާގައި އަނެއް މުހިންމު ސަފުހާއެއް ވަނީ ލިޔެވިފައެވެ. އެއީ ދިވެހިރާއްޖޭގައި ފުރަތަމަ ފަހަރަށް އޮކްސިޕިޓޯ-ސަރވައިކަލް ފިއުޝަން ސަރޖަރީއެއް ކާމިޔާބުކަމާއެކު ކުރެވުނުކަމެވެ.
މި ކާމިޔާބީއަކީ ހޮސްޕިޓަލުގެ ނިއުރޯސަރޖަރީ ޑިޕާޓްމަންޓަށާއި، ހޮސްޕިޓަލަށް، އަދި މުޅި ދިވެހި ސިއްހީ ދާއިރާއަށް ލިބުނު ވަރަށް ބޮޑު ފަޚުރެއްގެ ގޮތުގައި އައިޖީއެމްއެޗުން ވަނީ ސިފަކޮށްފައެވެ.
ކިޔުންތެރިންގެ ހިޔާލު