ސްޓެލްކޯގެ ކުރީގެ މެނޭޖިން ޑިރެކްޓަރު ކަމުން ވަކިކުރި ހުސައިން ފަހުމީ، ރައީސް އޮފީހުގެ މިނިސްޓަރުގެ ފެންވަރުގެ މަގާމަކަށް މިއަދު އައްޔަންކޮށްފިއެވެ.
ފަހުމީ، އައްޔަންކުރެއްވީ ޕްރިންސިޕަލް ސެކެޓްރީ ޓު ދަ ޕްރެސިޑެންޓް އޮން ޕޮލިސީ އެންޑް މެނިފެސްޓޯގެ މަގާމަށެވެ. އެއީ މިނިސްޓަރު ފެންވަރުގެ މަގާމެކެވެ.
ރައީސް ޑރ. މުހައްމަދު މުއިއްޒު ވެރިކަމަށް ވަޑައިގަތްއިރު ވެސް ފަހުމީ ހުންނެވީ ސްޓެލްކޯގެ އިސް މަގާމެއްގައެވެ. އޭނާ އެ ކުންފުނީގެ އެންމެ އިސްވެރިޔާ ކަމަށް އައްޔަންކުރީ މި ސަރުކާރުންނެވެ.
ސްޓެލްކޯގެ މެނޭޖިން ޑިރެކްޓަރު ކަމަށް އައްޔަންކޮށްފައި ވަނީ މިފްކޯގެ ކުރީގެ ސީއީއޯ އަހްމަދު ޝަމާހު ރަޝީދެވެ. މިހާތަނަށް ޝަމާހު ހުންނެވީ ފިޝަރީޒް މިނިސްޓްރީގެ ސްޓޭޓް މިނިސްޓަރު ކަމުގެ މަގާމުގައެވެ.
ކިޔުންތެރިންގެ ހިޔާލު