މެލޭޝިއާގެ މިނިވަން ދުވަހުގެ ތަހުނިޔާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެ ޤައުމުގެ އިސްވެރިންނަށާއި ރައްޔިތުންނަށް ފޮނުއްވައިފިއެވެ. އެމަނިކުފާނު ތަހުނިޔާ ފޮނުއްވާފައިވަނީ، މެލޭޝިއާގެ ޤައުމީ ދުވަހާއި ގުޅިގެން ސޯޝަލް މީޑިއާގައި ހިއްސާކުރެއްވި ޕޯސްޓެއްގައެވެ.
ރައީސުލްޖުމްހޫރިއްޔާގެ ޕޯސްޓުގައި މެލޭޝިއާގެ މިނިވަން ދުވަހުގެ ތަހުނިޔާ އެ ޤައުމުގެ ރަސްގެފާނު އިބްރާހީމް އިސްކަންދަރަށާއި، ބޮޑުވަޒީރު އަންވަރު އިބްރާހީމަށާއި، މެލޭޝިއާގެ ސަރުކާރާއި ރައްޔިތުންނަށް ވަނީ ފޮނުއްވާފައެވެ.
މެލޭޝިއާއަކީ އަބަދުވެސް ދިވެހިރާއްޖެއާ ގާތްގުޅުމެއް ބާއްވާ ޤައުމެއްކަން ފާހަގަކުރައްވާ ރައީސުލްޖުމްހޫރިއްޔާ ވަނީ ދެ ޤައުމުގެ ސަރުކާރާއި ރައްޔިތުންގެ މެދުގައި އުފެދިފައިވާ ޒަމާންވީ މި ގާތްގުޅުން މިގޮތުގައި ކުރިއަށްދާނެކަމަށް އުއްމީދުކުރައްވާކަމަށް ވިދާޅުވެފައެވެ.
I wish to convey warmest greetings and best wishes on the occasion of the Independence Day of Malaysia to His Majesty King Sultan Ibrahim, His Excellency Prime Minister Anwar Ibrahim @anwaribrahim, the Government and the brotherly people of Malaysia.
Malaysia remains a valued… pic.twitter.com/Tp3pVkSjTx
— Dr Mohamed Muizzu (@MMuizzu) August 30, 2025
މެލޭޝިއާގެ މިނިވަން ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެވެސް އޮގަސްޓްމަހުގެ 31 ވަނަ ދުވަހެވެ. އެގޮތުން މި އަހަރު ފާހަގަކުރަމުން ދަނީ އެ ޤައުމުގެ 68 ވަނަ މިނިވަން ދުވަހެވެ.
ދިވެހިރާއްޖެއިން މެލޭޝިއާއާއެކު ރަސްމީކޮށް ޚާރިޖީ ގުޅުން ޤާއިމުކުރީ 1968 ވަނަ އަހަރުގައެވެ.
ކިޔުންތެރިންގެ ހިޔާލު