ބ. އަތޮޅުގެ ތިން ރަށެއްގެ ސިއްހީ މަރުކަޒު ތަރައްގީކުރުމުގެ މަސައްކަތް ފެނަކަ ކޯޕަރޭޝަނާ ހަވާލުކޮށްފިއެވެ.
ހެލްތު މިނިސްޓްރީގައި މިރޭ ބޭއްވި ރަސްމިއްޔާތެއްގައި އެއްބަސްވުންތަކުގައި ސޮއިކުރެއްވީ ސްޓޭޓް ފޯ ހެލްތު، އިސްމާއީލް އަބްދުﷲ އާއި ފެނަކަ ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރު މުހައްމަދު އާރިފެވެ.
ބ. ހިތާދޫ ސިއްހީ މަރުކަޒުގެ އާ އިމާރާތުގެ މަސައްކަތް ހަވާލުކުރީ 33.7 މިލިއަން ރުފިޔާގެ އަގަކަށެވެ. އެ މަސައްކަތް 730 ދުވަހުގެ ތެރޭގައި ނިންމަން ޖެހެއެވެ.
ބ. މާޅޮސް ސިއްހީ މަރުކަޒު އަޕްގްރޭޑްކުރުމަށް ހަވާލުކުރީ 12.1 މިލިއަން ރުފިޔާގެ އަގަކަށެވެ. އެ މަސައްކަތް 545 ދުވަހުގެ ތެރޭގައި ނިންމަން ޖެހެއެވެ. އެ މަސައްކަތުގެ ތެރޭގައި ވޯޑަކާއި، ޕްރައިވެޓް ރޫމް، ލެބޯޓްރީ، ނާސް ސްޓޭޝަން، ޕްރޮސީޖާ ރޫމް، ގަރާޖް އަދި ސްޓޯ ރޫމް އިތުރުކުރުން ހިމެނެއެވެ. އަދި ޕޯޓިކޯ އާއި ވަށާފާރު އިތުރުކުރުންވެސް ހިމެނެއެވެ.
ބ. ދޮންފަނު ސިއްހީ މަރުކަޒު އަޕްގްރޭޑްކުރުމުގެ މަސައްކަތް ހަވާލުކުރީ 12.1 މިލިއަން ރުފިޔާގެ އަގަކަށެވެ. އެ މަސައްކަތް 545 ދުވަހުގެ ތެރޭގައި ނިންމަން ޖެހެއެވެ. އެ މަސައްކަތުގެ ތެރޭގައި ވޯޑަކާއި، ޕްރައިވެޓް ރޫމް، ލެބޯޓްރީ، ނާސް ސްޓޭޝަން، ޕްރޮސީޖާ ރޫމް، ގަރާޖް އަދި ސްޓޯ ރޫމް އިތުރުކުރުން ހިމެނެއެވެ. އަދި ޕޯޓިކޯ އާއި ވަށާފާރު އިތުރުކުރުންވެސް ހިމެނެއެވެ.
ކިޔުންތެރިންގެ ހިޔާލު