ހައި ކޯޓުގެ ފަނޑިޔާރު ކަމަށް މުހައްމަދު ޝަހީދާއި އަބްދުﷲ ޖަމީލް މޫސާ އައްޔަންކުރުމުގެ ރަސްމިއްޔާތު މާދަމާ ބާއްވަން ނިންމައިފިއެވެ.
ޖޭއެސްސީން ބުނީ އެ ރަސްމިއްޔާތު އޮންނާނީ މާދަމާ ހެނދުނު 8:30 ގައި ކަމަށެވެ.
އެ ދެ ބޭފުޅުންގެ ތެރެއިން ޝަހީދަކީ ހޯމް މިނިސްޓްރީގެ ކުރީގެ ޑެޕިޔުޓީ މިނިސްޓަރެކެވެ. އަދި ޖަމީލަކީ ސިވިލް ކޯޓުގެ ކުރީގެ ގާޒީއެކެވެ. އޭގެކުރިން ޖަމީލް ވަނީ މެޖިސްޓްރޭޓްކަން ވެސް ކުރައްވާފައެވެ.
ހައި ކޯޓުގެ ފަނޑިޔާރު ކަމަށް ޝަހީދު އައްޔަންކުރުން ހުއްޓުވުމަށް ސިވިލް ކޯޓަށް މައްސަލައެއް ވެސް ވަނީ ހުށަހަޅާފައެވެ. އަދި އެ މައްސަލަ ނިމެންދެން އޭނާ ފަނޑިޔާރު ކަމަށް އައްޔަންކުރުމުގެ ގޮތުން އެއްވެސް ކަމެއް ނުކުރުމުގެ ވަގުތީ އަމުރަކަށް ވެސް އެދިފައިވެއެވެ. ނަމަވެސް އެފަދަ އަމުރެއް އަދި ނުނެރެއެވެ.
ހައި ކޯޓުގެ ދެ ފަނޑިޔާރެއްގެ މަގާމް ހުސްވީ އެ ކޯޓުގެ ފަނޑިޔާރުން ކަމަށްވާ މުހައްމަދު ޝަހީދާއި މުހައްމަދު ސަލީމް ސުޕްރީމް ކޯޓުގެ ފަނޑިޔާރު ކަމަށް އައްޔަންކުރެއްވުމުންނެވެ.
ކިޔުންތެރިންގެ ހިޔާލު