މާލޭ ސިޓީގައި ގަސް އިންދައި ފެހިކޮށް، މާލެ ފިނިކުރުމަށް ކުރެވޭ މަސައްކަތުގެ ތެރެއިން، ފާއިތުވި ހަ މަސް ދުވަހު، 4500 އަށް ވުރެ ގިނަ ގަސް އިންދާފައިވާ ކަމަށް، ކައުންސިލްގެ ތަފާސް ހިސާބުތަކުން ދައްކައިފިއެވެ.
މާލެ ސިޓީ ކައުންސިލްގެ ތަފާސް ހިސާބުތަކުން ދައްކާ ގޮތުން، ފާއިތުވި 6 މަސް ދުވަހު މާލެ ސިޓީގައި އިންދާފައިވާ 4500 ގަހުގެ ތެރެއިން، ގިނަ ގަސްތަކަކީ ކައުންސިލްގެ މުވައްޒަފުންގެ އަމިއްލަ މަސައްކަތުން، ގަސް ކާނާ އަމިއްލަޔަށް ތައްޔާރުކޮށް، މުޑުވައްކޮށްފައިވާ ގަސްތަކެވެ.
އެ ގޮތުން ފާއިތުވި ހަ މަސް ދުވަހު، މާލޭގައި 3502 ގަސް އިންދާފައިވާއިރު، ވިލި މާލޭގައި 184 ގަސް އިންދާފައިވެއެވެ. އަދި ހުޅުމާލޭގައި 814 ގަސް އިންދާފައި ވެއެވެ.
ކައުންސިލުން އިންދާފައިވާ، ގަސްތަކުގެ ތެރޭގައި ހިމެނެނީ، މާ ގަހާއި، ބަޤީޗާ ގަހާއި ހިޔާދޭ އަދި މޭވާ އަޅާ ގަހެވެ. މީގެ އިތުރުން ދިވެހި ރުކާއި ކަދުރު ރުއް ވެސް އިންދައިފައިވެއެވެ.
ކިޔުންތެރިންގެ ހިޔާލު