ލ. މާވަށުގައި، އެ ރަށު ނަލަހިޔާ، މޫސާ އިބްރާހީމް މަރާލަން ހަމަލާދިން ވަޅި ފުލުހުން ހޯދައިފިއެވެ.
ފުލުހުން ބުނީ އެ ވަޅި ހޯދާފައި ވަނީ މޫދުގައި ފީނައިގެން ކަމަށެވެ. ފީނައިގެން އެ ވަޅި ހޯދީ ތަހުގީގަށް ލިބިފައިވާ މައުލޫމާތަކާ ގުޅިގެންނެވެ.
މޫސަ މަރާލި މާރާމާރީ ހިނގީ މިއަދު 10:00 ހާއިރު މާވަށު ވޮލީ ކޯޓް ސަރަހައްދުގައެވެ. މޫސައަށް ފަރުވާދިނުަމށް 10:22 ގައި ސިއްހީ މަރުކަޒަށް ގެންދިޔައިރު ވެސް ވަނީ މަރުވެފައެވެ.
މޫސަ މަރާލި ކަމުގެ ތުހުމަތުގައި ހދ. ނޮޅިވަރަންފަރު، އަސަރީ މަންޒިލް، މުހައްމަދު އިބްރާހިމް (29އ) ވަނީ ހައްޔަރުކޮށްފައެވެ. އޭނާއަކީ މަސްތުވާތަކެތީގެ ރިކޯޑު އޮންނަ މީހެއްކަމަށް ފުލުހުން ބުންޏެވެ.
މޫސަ މަރުވީ ކަރަށް ދިން ހަމަލާގެ ސަބަބުންނެވެ.
ކިޔުންތެރިންގެ ހިޔާލު