މިހާރު ކުރަމުންދާ ވިއްސާރައިގައި މާފަންނު ޕޮލިސް ސްޓޭޝަންގެ ކުޑަ ދޮރެއް މަގުމައްޗަށް ވެއްޓި ތަޅައިގެން ގޮސްފިއެވެ.
ފުލުހުން ބުނީ، ގަދަ ވައިގެ ސަބަބުން މާފަންނު ޕޮލިސް ސްޓޭޝަންގެ ދެވަނަ ފަންގިފިލާގެ ކުޑަދޮރު ވެއްޓުނީ މިއަދު ހެނދުނު 11:57 ހާއިރު ކަމަށެވެ. މި ހާދިސާއާ ގުޅިގެން ބަލަން ޖެހޭ ކަންކަން ބަލަމުންދާ ކަމަށް ފުލުހުން ބުންޏެވެ.
މި ހާދިސާގައި އެއްވެސް މީހަކަށް އަނިޔާއެއް ނުވެއެވެ. އަދި ޕާކްކޮޮށްފައި ހުރި އެއްވެސް އުޅަނދަކަށް ވެސް ގެއްލުމެއް ނުވެއެވެ.
މިހާރު ކުރަމުންދާ ވިއްސާރައިގައި މާލެ އާއި ހުޅުމާލޭގެ ބައެއް ގަސްތައް ވެއްޓި ވަނީ ގެއްލުންތަކެއް ވެފައެވެ.
ކިޔުންތެރިންގެ ހިޔާލު