ކުރިއަށް އޮތް ހަތަރު ދުވަހު މޫސުން ވަަރަށް ގޯސްވެދާނެ ކަމަށް ލަފާކުރެވޭތީ ސަމާލުވާން އެދިއްޖެ އެވެ.
މޫސުމާއި ބެހޭ ޤައުމީ އިދާރާ އިން މިއަދު ބުނީ މާދަމާ އިން ފެށިގެން ކުރިއަށް އޮތް ހަތަރު ދުވަަހު ރާއްޖެ ސަރަޙައްދަށް ހުޅަނގު މޫސުމުގެ ބާރުގަދާވާނެ ކަމަށް ބެލެވޭ ކަމަށެވެ. އެ ގޮތުން ވައި ބާރުވެ ކަނޑުތައް ގަދަވެ އަދި ބޮޑު ބަޔަކަށް ވިއްސާރާނެ ކުރާނެ ކަމަށް ވަނީ ލަފާކޮށްފަ އެވެ.
* ވައި ބާރުވެ ވިލާގަނޑުގައި އިތުރަށް ގަދަވާނެ
* ކަނޑުތައް, ޚާއްސަކޮށް ކަނޑުއޮޅިތައް ގަދަވެފައި ވިލާގަނޑުގައި އިތުރަށް ގަދަވާނެ
* ބޮޑު ބަޔަކަށް ވިއްސާރަކުރުމާއެކު ގުގުރާނެ
* ދިޔަވަރު ބޮޑުވާ ގަޑިތަކުގައި އުދައިގެ އަސަރު ކުރާނެ
މެޓުން ވަނީ އެކަމަށް ހުރިހާ އެންމެންވެސް ސަމާލުވާން އިލްތިމާސް ކޮށްފަ އެވެ. ޚާއްސަކޮށް ދަތުވެރީން މޫސުމަށް ސަމާލުވެ ދަތުރަށް ފުރުމުގެ ކުރީން އެންމެ ފަހުގެ މަޢުލޫމާތު ހޯދުމަށް ވަނީ އިލްތިމާސް ކޮށްފަ އެވެ.
ކިޔުންތެރިންގެ ހިޔާލު