ހުޅުމާލެ އިންޑަސްޓްރިއަލް ޒޯނުގައި ހުރި އެންސިސް ފިޝަރީޒްގެ ގުދަނެއްގައި އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ވެއްޖެއެވެ.
އެ ސަރަހައްދު އަދިވެސް އޮތީ ވަރަށް ބޮޑަށް ދުމުން ކަޅުވެފައެވެ. މިރޭ އިރާކޮޅުގެ ވަގުތެއްގައި އެ ހާދިސާ ހިނގިިއިރު، ގުދަނުގައި އެއްވެސް މީހަކު ނެތެވެ. މި ހާދިސާގައި އެއްވެސް މީހަށް ގެއްލުމެއް ނުލިބެއެވެ. ނަމަވެސް ގުދަނަށް ވަނީ ބޮޑެތި ގެއްްލުންތަކެއް ލިބިފައެވެ.
އަލިފާން ކޮންޓްރޯލް ކުރުމުގެ މަސައްކަތުގައި ފުލުހުންނާއި ސިފައިން އަދިވެސް އަންނަނީ ހަރަކާތްތެރިވަމުންނެވެ.
މި ހާދިސާއާ ގުޅިގެން، އެ ސަރަހައްދުގައި ދުން ބޯވެ ފެތުރެމުން ދާތީ، ދުރު ފެންނަ މިންވަރު ވަނީ ދަށްވެފައެވެ. އަދި މި ހާދިސާގެ ސަބަބުން، ޚާއްސަކޮށް ނޭވާލުމުގެ ދަތިކަން ހުންނަ ފަރާތްތަކަށް ސިއްހީ ގޮތުން ނޭދެވޭ އަސަރުތަކެއް ކުރުމުގެ ފުރުސަތު އޮތްކަން ފާހަގަކޮށް، ފުލުހުންވަނީ ސަމާލުވާން އެދިފައެވެ.
އެހެން ކަމުން، ޒަރޫރީ ބޭނުންތަކުގައި ނޫނީ، އެ ސަރަހައްދަށް ނުދިއުމަށާއި އެ ސަރަހައްދަށް ދާ މީހުން މަގު ބޭނުންކުރާއިރު ޚާއްސަ ސަމާލުކަމެއް ދޭން ފުލުހުން އެދެއެވެ.
ކިޔުންތެރިންގެ ހިޔާލު