ފަތުރުވެރިކަމާއި ތިމާވެށްޓާބެހޭ ވުޒާރާއިން ހއ. ބާރަށުގައި ޓޫރިސްޓު ހޮޓަލެއް ތަރައްޤީކޮށް ހިންގުމަށް ޝައުޤުވެރިވާ ފަރާތްތަކަށް ފުރުޞަތު ހުޅުވާލައްވައިފިއެވެ. މި މަޝްރޫޢަށް ކަނޑައަޅުއްވާފައިވަނީ 71,832 އަކަފޫޓުގެ ބިމެކެވެ.

މި މަޝްރޫޢާ ގުޅޭގޮތުން މަޢުލޫމާތު ސާފުކުރެއްވުމަށް 2023 ޖުލައި 8 ވަނަ ދުވަހުގެ ހެނދުނު 10:00 ގައި ވަރޗުއަލް ބައްދަލުވުމެއް ބޭއްވުމަށް ހަމަޖެހިފައިވެއެވެ. އަދި ބީލަން ހުށަހެޅުއްވުމަށް 2023 އޮގަސްޓު 20 ވަނަ ދުވަހުގެ ހެނދުނު 10:00 ގައި ވު:00 ގައި ވުޒާރާއަށް ވަޑައިގަތުމަށް ދަޢުވަތު ދެއްވާފައިވެއެވެ.

މަޢުލޫމާތު ސާފުކުރެއްވުމުގެ ބައްދަލުވުމުގައި ބައިވެރިވެވަޑައިގަތުމަށް އެދިވަޑައިގަންނަވާ ފަރާތްތަކުން 2023 ޖުލައި 7 ވަނަ ދުވަހުގެ މެންދުރު 12:00 ގެ ކުރިން، ބައިވެރިވެވަޑައިގަންނަވާ ފަރާތުގެ ނަމާއި، އީމެއިލް އެޑްރެހާއި، ގުޅޭނެ ފޯނު ނަންބަރު ވުޒާރާގެ އީމެއިލް އެޑްރެހަށް ފޮނުއްވުމަށް އެދިވަޑައިގެންފައިވެއެވެ.

ބީލަން ފޮތް ލިބިވަޑައިގަންނަވާނީ 2023 ޖޫން 29 އިން 2023 އޮގަސްޓު 19 އަށް، ބަންދު ނޫން ކޮންމެ ދުވަހެއްގެ ހެނދުނު 9:00 އިން މެންދުރުފަހު 1:00 އާ ދެމެދު، ފަތުރުވެރިކަމާއި ތިމާވެށްޓާބެހޭ ވުޒާރާގެ ރިސެޕްޝަނުން ނުވަތަ އީމެއިލް މެދުވެރިކޮށެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، 2022 ވަނަ އަހަރު ހއ. ބާރަށަށް ކުރެއްވި ދަތުރުފުޅުގައި ވިދާޅުވެފައިވަނީ، ތިމާވެށްޓާ ރައްޓެހި އީކޯ ޓޫރިޒަމްގެ ބޮޑު މަޝްރޫޢެއް ބާރަށުގައި ސަރުކާރުން ތަންފީޒުކުރައްވާނެ ކަމަށެވެ. މި މަޝްރޫޢު ކުރިއަށް ގެންދަވާނީ ބައިނަލްއަޤްވާމީ ބީލަމަކަށް ހުޅުވާލައްވައިގެން، އަމިއްލަ ވިޔަފާރިތަކަށް ފުރުޞަތު ފަހިކޮށްދެއްވުމުގެ ގޮތުންނެވެ.