ނޭޝަނަލް ކެރިއާސް ސާރވިސް (އެންސީއެސް) ގެ އޮފީހެއް ކުޅުދުއްފުށީގައި ހުޅުވައިފިއެވެ.
މި އޮފީސް ހުޅުވައިދެއްވީ މިއަދު ހެނދުނު އެކަމަށްޓަކާ ބޭއްވި ހާއްސަ ރަސްމިއްޔާތެއްގައި މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްގީކުރުމާ ބެހޭ ވުޒާރާގެ ވަޒީރު ޑރ އަލީ ހައިދަރު އަހުމަދެވެ.
މި ރަސްމިއްޔާތުގައި ވާހަކަދައްކަވަމުން ޑރ އަލީ ހައިދަރު ވިދާޅުވީ، ކުޅުދުއްފުށީގައި މިއަދު ހުޅުވިގެން މިދިޔަ ނޭޝަނަލް ކެރިއަރސް ސާރވިސް އޮފީހާއެކު އުތުރު ސަރަހައްދަށް ދާއިރާއިން ބޮޑު ކުރިއެރުމެއް ކުރިއެރުމެއް ލިބިގެންދާނެކަން ގަބޫލުކުރައްވާ ކަމުގަ އެވެ.
“އަޅުގަނޑުމެން ބޭނުންވާ ލަނޑުދަނޑު ހާސިލުކުރުމަށްދާ ރާސްތާގައި އެންމެ މުހިންމު ކަންތައް. އެކަމަށް ހުޅުވޭ ދޮރެއް މޯލްޑިވްސް ކެރިއަރ ސާރވިސް މެދުވެރިކޮށް ވަޒީފާތައް ހޯދުމާއި ހުނަރު އިތުރުކުރުމާއި އަދި އެކި ކަހަލަ މަސައްކަތް ދަސްކޮށް. ކުޅުދުއްފުށީގައި މި ހިދުމަތް ފެށިގެން ދިޔުމަކީ އަޅުގަނޑު ދެކޭ ގޮތުގައި މިސަރަހައްދަށް، އުތުރު ސަރަހައްދަށް ލިބޭ ވަރަށް ބޮޑު ކުރިއެރުމަކަށް ވެގެންދާނެކަން އަޅުގަނޑު ގަބޫލުކުރަން.” ޑރ. ހައިދަރު ވިދާޅުވިއެވެ.
މިރަސްމިއްޔާތުގައި ކުޅުދުއްފުށީ މޭޔަރާއި ދެ ދާއިރާގެ މަޖިލިސް މެންބަރުންނާއި މުއައްސަސާތަކުންނާއި ޑެޕިއުޓީ މިނިސްޓަރުން ބައިވެރިވެވަޑައިގެންނެވިއެވެ.
ކިޔުންތެރިންގެ ހިޔާލު