މިދިޔަ ހަފްތާގެ ތެރޭގައި މާލޭގެ އިމާރާތެއްގެ މަތިން ވެއްޓުނު ހައްވާ ޔުމްނު ރަޝީދު އިތުރު ފަރުވާއަށް ސަރުކާރުގެ ޚަރަދުގައި މެލޭޝިޔާއަށް ފޮނުވަން ނިންމައިފިއެވެ.
ޔުމްނުގެ އާއިލާއިން ބުނީ އެންސްޕާގެ ފަރާތުން ފޯރުކޮށްދޭންޖެހޭ ހުރިހާ އިންތިޒާމްތަކެއް މިހާރު ހަމަޖައްސައިދީފައިވާ ކަމަށެވެ.
ސަރުކާރުން މިކަމުގައި ފުރިހަމަ އެއްބާރުލުން ދެމުން އަންނާތީ އާއިލާއިން ތިބީ ވަރަށް އުފަލުންނެވެ. ސަރުކާރުން މިހާރު އަންނަނީ ޗާޓާޓް ފްލައިޓެއް ހަމަޖައްސައި ޔުމްނު މެލޭޝިޔާއަށް ފޮނުވުމުގެ މަސައްކަތް ކުރައްވަމުންނެވެ.
“ޗާޓާޑް ފްލައިޓް ހަމަޖެހުނުހާ އަވަހަކަށް ފުރޭނެ ކަމުގެ ޔަގީންކަން ސަރުކާރުންދޭ،” ޔުމްނުގެ އާއިލާއިން ބުންޏެވެ.
ސަރުކާރުން ޚިދުމަތް ދިނުމުގައި އެއްވެސް ރައްޔިތަކު ބާކީ ނުކުރައްވާނެ ކަމަށް ރައީސް ޑރ. މުހައްމަދު މުއިއްޒު ވަނީ މީގެކުރިން ވަނީ ވިދާޅުވެފައެވެ.
ޔުމްނު ވެއްޓުނު މައްސަލައާ ގުޅިގެން ފުލުހުންނަށް ކުރަމުންދާ ތުހުމަތުތަކަކީ އެއްވެސް އަސާސެއް ނެތް ތުހުމަތުތަކެއްކަން ވަނީ ހާމަވެފަ އެވެ.
ފުލުހުން އަންނަނީ މި މައްސަލަ ހާއްސަ ސަމާލުކަމެއްދީގެން ތަހުގީގު ކުރަމުންނެވެ.
ކިޔުންތެރިންގެ ހިޔާލު