ދިވެހިން މައިގަނޑު ގޮތެއްގައި ދަތުރުކުރާ އަވަށްޓެރި އިންޑިޔާ އާއި ސްރީލަންކާ އަދި މެލޭޝިޔާއާ އާއި އިނގިރޭސިވިލާތުން އައިޑީ ކާޑް ހެދޭނެ އިންތިޒާމް ހަމަޖެއްސުމުގެ މަސައްކަތް ކުރަމުން ގެންދާކަމަށް ހޯމް މިނިސްޓްރީން ބުނެފިއެވެ.
މިވަގުތު އައިޑީ ކާޑް ހެދުމުގެ ހިދުމަތް ރާއްޖެއިން ބޭރުން އެއްވެސް ގައުމަކުން ނުދޭއިރު، މިއީ ބޭހަށާއި ކިޔެވުމަށް ގިނަ އަދަދެއްގެ ދިވެހިން ބޭރު ގައުމުތަކުގައި ތިބޭއިރު ދިމާވާ ވަރަށް ބޮޑު ތަކްލީފެކެވެ.
ހޯމް މިނިސްޓްރީން ބުނިގޮތުގައި މެލޭޝިއާ އާއި ސްރީލަންކާ، އިންޑިއާ އާއި އިނގިރޭސިވިލާތުގައި މިޚިދުމަތް ފެށުމަށް ޑިޕާޓްމަންޓް އޮފް ނެޝަނަލް ރަޖިސްޓްރޭޝަން (ޑީއެންއާރު) އިން ދަނީ ތައްޔާރީތައް ވަމުންނެވެ.
މީގެ އިތުރުން ރާއްޖޭގެ ހުރިހާ ރަށަކުން އައިޑީ ކާޑުގެ ހިދުމަތް ލިބޭނެ އިންތިޒާމް ހަމަޖެއްސުމަށްވެސް ޑީއެންއާރުން ގެންދަނީ މަސައްކަތް ކުރަމުންނެވެ. މި ގޮތުން މި މަހުގެ ތެރޭގައި ށ. ފުނަދޫ، ށ. މިލަންދޫ، ނ. ވެލިދޫ އަދި މ. މުލީގައި ހިދުމަށް ފެށުމަށް ދަނީ ތައްޔާރު ވަމުންނެވެ.
