އެމްއޭސީއެލްއިން މި މަޢުލޫމާތު ހާމަކުރައްވާފައިވަނީ އިޖުތިމާޢީ ވިއުގަތަކުގައި ޙިއްޞާކުރެއްވި ޕޯސްޓެއްގައެވެ. އެ ޕޯސްޓުގައި ވިދާޅުވެފައިވަނީ، މާދަމާ މެންދުރުފަހު އާންމު އޮޕަރޭޝަންތަކާއެކު ޢުމްރާ ދަތުރުވެރިން އަނބުރާ ވަޑައިގަންނަވާނެ ކަމަށެވެ. އެހެންކަމުން، އެއަރޕޯޓުގެ ޚިދުމަތްތައް އަވަސް އަދި ހަލުވި ގޮތެއްގައި ފޯރުކޮށްދިނުމަށްޓަކައި، ދަތުރުވެރިން ވީހާވެސް އަވަހަކަށް ޗެކް-އިން އަދި ސެކިއުރިޓީ ކްލިއަރެންސް ހައްދަވައި ދެއްވުމަށް އެދިވަޑައިގެންފައިވެއެވެ.
މީގެ އިތުރުން، އެއްވެސް ފަރާތަކަށް އެހީތެރިކަމެއް ބޭނުންފުޅުވާނަމަ، އެކަމަށް އެހީތެރިވެދެއްވުމަށް އެއަރޕޯޓުގެ މުވައްޒަފުން ތިއްބަވާނެ ކަމަށްވެސް އެމްއޭސީއެލްއިން ފާހަގަކުރައްވާފައިވެއެވެ.
އެމްއޭސީއެލްއިން ހާމަކުރައްވާފައިވާ ގޮތުގައި، ޢުމްރާ ދަތުރުވެރިން އަނބުރާ ވަޑައިގަންނަވާ ފްލައިޓްތައް ޖައްސަވާނީ ދެ ގަޑިއެއްގައެވެ. އެއީ މެންދުރުފަހު 14:00 އާއި 16:00 ގައެވެ. އެ ކުންފުނިން ދަތުރުފަތުރުގެ ޚިދުމަތްދޭ ފަރާތްތަކާއި ޓެކްސީ ޑްރައިވަރުންނަށްވެސް މި ގަޑިތަކުގައި އެއަރޕޯޓުގެ ޓްރެފިކް މަދުކުރުމަށް އެއްބާރުލުން ދެއްވުމަށް އެދިވަޑައިގެންފައިވެއެވެ.
މި ރަމަޟާން މަހު ޙައްޖު ކޯޕަރޭޝަންގެ އިންތިޒާމުގެ ދަށުން ޖުމްލަ 577 ދިވެހިން ޢުމްރާގެ އަޅުކަން އަދާކުރުމަށް ވަޑައިގެންފައިވެއެވެ. މީގެ ތެރޭގައި މުޅި ރަމަޟާން މަހަށް ވަޑައިގެންނެވި ބޭފުޅުންނާއި، ފަހު 15 ދުވަހަށް ވަޑައިގެންނެވި ބޭފުޅުން ހިމެނެއެވެ. ޙައްޖު ކޯޕަރޭޝަންގެ އިތުރުން، އަމިއްލަ ކުންފުނިތަކުގެ އިންތިޒާމުންވެސް ގިނަ އަދަދެއްގެ ދިވެހިން މި އަހަރުގެ ރޯދަ ޢުމްރާއަށް ވަޑައިގެންފައިވާކަން
ކިޔުންތެރިންގެ ހިޔާލު