ހުޅުމާލެ ހިތިގަސްމަގު ބްރިޖުން މޫދަށް ވެއްޓުނު 25 އަހަރުގެ ދިވެހި ޒުވާނަކު، ފުލުހުންގެ ހިތްވަރުގަދަ މަސައްކަތުން ސަލާމަތްކުރެވިއްޖެއެވެ.

މި ހާދިސާ ހިނގާފައިވަނީ މިއަދު ފަތިހު 5:42 ގައި ކަމަށް ފުލުހުން މަޢުލޫމާތު ދެއްވިއެވެ. އަދި މި ހާދިސާގެ މަޢުލޫމާތު ލިބުމާއެކު، ފުލުހުންގެ ޓްރެފިކް ޑިވިޜަންގެ ދެ އޮފިސަރުން އަވަސް ފިޔަވަޅުތަކެއް އަޅައި، ހެނދުނު 6:13 ގައި އެ ޒުވާނާ މޫދުން ސަލާމަތްކުރެވުނެވެ.

ސަލާމަތްކުރެވުނު ފަރާތް ވަގުތުން ހުޅުމާލެ ހޮސްޕިޓަލަށް ގެންދެވުނެވެ. ހޮސްޕިޓަލުން މަޢުލޫމާތު ދެއްވާފައިވާ ގޮތުގައި އޭނާގެ ޞިއްޙީ ހާލަތު މިހާރު ރަނގަޅެވެ.

ސޯޝަލް މީޑިއާގައި ދައުރުވަމުންދާ މި ހާދިސާގެ ވީޑިއޯ ފުޓޭޖުން ދައްކާގޮތުގައި، މޫދަށް ވެއްޓުނު އިރު އެ ޒުވާނާގެ އެއްވެސް ހަރަކާތެއް ފެންނާކަށް ނެތެވެ.

ފުލުހުންގެ ފަރާތުން މަޢުލޫމާތު ދެއްވާފައިވާ ގޮތުގައި މި ހާދިސާއާ ގުޅޭ އިތުރު ތަޙުޤީޤުތައް ކުރިއަށްދާކަމަށް ވިދާޅުވިއެވެ.