މޫސުމާބެހޭ ޤައުމީ މަރުކަޒުގެ މަޢުލޫމާތު ދެއްވާގޮތުގައި، ކ. އަތޮޅުން ފެށިގެން މ. އަތޮޅާ ހަމައަށް ބޯކޮށް ވާރޭވެހި، ގުގުރުމާއެކު ގަޑިއަކު 45 މޭލުގެ ބާރުމިނުގައި ވައިޖެހުމުގެ ފުރުޞަތު އޮތްކަމަށް ލަފާކުރެވެއެވެ.
މި ޔެލޯ އެލާޓު ދެމިއޮންނާނީ މިރޭ 21:00 އިން ފެށިގެން 1:00 އާ ހަމައަށެވެ.
މީގެއިތުރުން، ނ. އަތޮޅުން ފެށިގެން ގދ. އަތޮޅާ ހަމައަށް ވައިޓް އެލާޓެއްވެސް ނެރެފައިވެއެވެ. މި ސަރަޙައްދުތަކުގައި ބޯކޮށް ވާރޭވެހި، ގުގުރުމާއެކު ގަޑިއަކު 40 މޭލުގެ ބާރުމިނުގައި ވައިޖެހުމުގެ ފުރުޞަތު އޮތްކަމަށް ލަފާކުރެވެއެވެ.
މިވަގުތު ކުރިމަތިވެފައިވާ ވިއްސާރައިގެ ސަބަބުން މާލޭގެ ބައެއް މަގުތަކުގައި ފެންބޮޑުވުމުގެ މައްސަލަ ދިމާވެފައިވެއެވެ. އަދި ކަމާގުޅުންހުރި މުއައްސަސާތަކުން ވަނީ އާންމު ރައްޔިތުންނަށް ކުރިމަތިވެފައިވާ ދަތިތައް ލުއިކޮށްދިނުމަށްޓަކައި މަސައްކަތް ފަށާފައެވެ.
