ފުވައްމުލަކުގައި ހުންނަ ޔޫރޯ ސްޓޯރުގެ ގުދަނަކުން ގިނަ އަދަދެއްގެ ސިނގިރޭޓު ކޭސްތަކެއް ވަގަށް ނަގައިފިއެވެ.
ފުލުހުން ބުނީ ޔޫރޯގެ ގުދަނުން ވަގަށް ނަގާފައި ވަނީ 130 ކާޓަން ސިނގިރޭޓު ކަމަށެވެ. މިހާރު ސިނގިރޭޓް ވިއްކާ ރޭޓްތަކަށް ބަލާއިރު، ތިން ލައްކަ ރުފިޔާއަށްވުރެ މަތީގެ ގެއްލުމެއް އެ ކުންފުންޏަށް ލިބޭނެއެވެ.
އެ މައްސަލާގައި މިހާތަނަށް މީހަކު ހައްޔަރެއް ނުކުރެއެވެ.
ތަހުގީގު ކުރަމުންދާ މައްސަލައަކަށްވާތީ އެ މައްސަލައިގެ ތަފްސީލީ މައުލޫމާތު ފުލުހުން ހާމައެއްނުކުރެއެވެ.
މިދިޔަ ޑިސެމްބަރުން ފެށިގެން ސިނގިރޭޓުން ނަގާ ކަސްޓަމްސް ޑިއުޓީ ބޮޑުކުރި ފަހުން ސިނގިރޭޓް ވަގަށް ނެގުމުގެ މައްސަލަތައް އިތުރުކަން ފާހަގަކޮށްލެވެއެވެ.
މާލޭގެ ގުދަނަކުން ވެސް ވަނީ މި އަހަރުގެ ތެރޭގައި ގިނަ އަދަދެއްގެ ސިނގިރޭޓް ގެއްލިފައެވެ.
