ބީއެމްއެލް އިސްލާމިކު ފައިނޭސްގެ 10 ވަނަ އަހަރީ ދުވަސް ފާހަގަ ކުރުމުގެ ގޮތުން، އެ ބޭންކުގެ 10 ކަސްޓަމަރަކަށް ހައްޖު ދަތުރު ލިބޭ ހާއްސަ ޕްރޮމޯޝަނެއް ފަށައިފިއެވެ. ބީއެމްއެލް އިސްލާމިކު ފައިނޭސްގެ ހާއްސަ ޕްރޮމޯޝަނުންހޮވޭ މިދަތުރުގެހުރިހާޚަރަދެއް ބީއެމް އެލް ކަވަރު ކޮށްދެއެވެ. މިޕްރޮމޯޝަން ކުރިއަށް ދާނީ މި އަހަރުގެ ނޮވެންބަރު މަހުގެ ނިޔަލަށެވެ.
މިޕްރޮމޯޝަނުގައި، ބީއެމްއެލް އިސްލާމިކްގެ ހިދުމަތްތައް މިހާރު ބޭނުން ކުރަމުންދާ ކަސްޓަމަރުންނާއި އަލަށް ހިދުމަތް ބޭނުންކުރަން ފަށާ ކަސްޓަމަރުންގެ ތެރެއިން ފައިނޭންސިން ފެސިލިޓީއެއް ބޭނުންކުރަމުންދާ ކަސްޓަމަރުންނާއި މުސާރަ ޖަމާކުރާ ކަސްޓަމަރުންގެ އިތުރުން ޖެނެރަލް އިންވެސްޓްމެންޓް އެކައުންޓް ނުވަތަ އިސްލާމިކް ކްރެޑިޓް ކާޑު ބޭނުންކުރާ ކަސްޓަމަރުންނަށް ވެސް ބައިވެރިވެވޭނެ ކަމަށް އެބޭންކުން މައުލޫމާތުދެއެވެ.
