އަލަށް އައްޔަކުރަން އެންޓިކޮރަޕްޝަން ކޮމިޝަން (އޭސީސީ)އަށް، ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހަށް އަލުން ފޮނުއްވި ދެ ބޭފުޅުން ނަންތައް ދިރާސާ ކުރަން މިނިވަން މުވައްސަސަތަކާއި ބެހޭ ކޮމެޓީއަށް ފޮނުއްވައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ރިޔާސަތުން އަންގަވާ އެންގުވުންތަކުގެ ތެރެއިން ރައީސް ފޮނުއްވި ނަންތައް ވަނީ އިއްވާފައެވެ. އަދި އެ މައްސަލަ ދިރާސާ ކުރުމަށް ކޮމެޓީއަށް ފޮނުއްވިކަން މަޖިލީހުގެ ރައީސް އަބްދުއްރަހީމް އަބްދުﷲ ވަނީ އިއުލާން ކުރައްވާފައެވެ.
1- އަހްމަދު ނާޝިދު، މައްޗަންގޯޅި، ގޯލްޑަންމޫން
2- އަބްދުﷲ ނާޝިފް، ރ. އަލިފުށި، ފަސާނާ
އޭސީސީއަށް ކުރިމަތިލާން ހުޅުވާލާފައިވަނީ، ކޮމިޝަންގެ ނައިބު ރައީސް އަބްދުލްސަލާމާއި މެންބަރު ތޯހާ މުހައްމަދަށް ކޮރަޕްޝަންގެ ގިނަ ތުހުމަތުތަކެއް ކުރެވި، އެ ދެ މެންބަރުން މަގާމުން އިސްތިއުފާ ދެއްވުމާއި ގުޅިގެންނެވެ. އެ ދެބޭފުޅުން އިސްތިއުފާ ދެއްވީ އޭސީސީގެ ޒިންމާތައް މިނިވަންކަމާ އެކު އަދާކުރެވޭނެ މާހައުލެއް އޮތް ކަމަށް ނުފެންނާތީ ކަމަށް އިސްތިއުފާގެ ސިޓީގައި ވަނީ ފާހަގަކޮށްފައެވެ.
