މާލޭގައި އަލިފާނުގެ ހާދިސާއެއް ހިނގާ ބޮޑެތި ގެއްލުންތަކެއް ވެއްޖެ އެވެ.
އަލިފާން ރޯވީ މއ. ސިޓީވިލާގައި އެވެ.
އެމްއެންޑީއެފުން ބުނީ އެ ގޭގައި އަލިފާން ރޯވެގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ހަރަކާތްތެރިވެ އަލިފާންގަނޑު ކޮންޓްރޯލް ކޮށްފައިވާ ކަމަށެވެ. މި ހާދިސާގެ ރިޕޯރޓް ލިބިފައިވަނީ ދަންވަރު 03:06 ހާއިރު ކަމަށް ވެސް ބުންޏެވެ.
އަލިފާނުގެ ހާދިސާގައި ވަރަށް ބޮޑަށް ގެއްލުންވި އެވެ. ބައެއް ތަންތަން ވަނީ އަނދާހުލިވެފަ އެވެ.
ހަތް މީހަކަށް ވަގުތީ ބޯހިޔާވަހިކަން
ނެޝަނަލް ޑިޒާސްޓާ މެނޭޖްމަންޓް ސެންޓަރުން ބުނީ އަލިފާނުގެ ހާދިސާގައި ލިބުނު ގެއްލުންތައް ބަލަމުންދާ ކަމަށެވެ.
އަދި އެ ގޭގައި ދިރިއުޅުނު ހަތް މީހަކަށް ވަގުތީ ބޯހިޔާވަހިކަން ހަމަޖައްސައިދީފައިވާ ކަމަށެވެ. ކެއުމުގެ ކަންކަން ވެސް ވަނީ ފަސް ދުވަހަށް ހަމަޖައްސައިދީފަ އެވެ.
އަލިފާނުގެ ހާދިސާ ހިނގަން މެދުވެރިވީ ސަބަބެއް އަދި ސާފެއް ނުވެ އެވެ.
ކިޔުންތެރިންގެ ހިޔާލު