މާލޭގެ ބައެއް ސަރަހައްދަކުން މިއަދު މެންދުރު ފަހު ކަރަންޓު ކެނޑުން އެކަށީގެންވާކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ވިދާޅުވެއްޖެއެވެ.

ސްޓްލެއްކޯއިން މިހެން ވިދާޅުވެފައިވަނީ އިއްޔެ އެކްސްގައި ހިއްސާކުރި ޕޯސްޓްތަކެއްގައެވެ.

އެގޮތުން މިއަދުމެންދުރުފަހު 14:00 އާއި 14:30 އާ ދެމެދު ސިޓީ، އައިމިނާރަނި ހިނގުން، އަމީނީ މަގު، ފަޅުމަތީ މަގު، ބޮޑުތަކުރުފާނު މަގު، ބުރުޒު މަގު، ރަށްދެބައި ހިނގުން އަދި ސިއްތިމާވާ ހިނގުން ހިމެނޭ ސަރަހައްދުން ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށް ސްޓެލްކޯއިން ވިދާޅުވިއެވެ.

ސްޓެލްކޯއިން ވިދާޅުވީ އެ ސަރަހައްދުން ކަރަންޓް މެދުކެނޑެނީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް ކުރިއަށް ގެންދާތީ ކަމަށެވެ.

މީގެއިތުރުން ސްޓެލްކޯއިން ވަނީ މިކަމާއި ގުޅިގެން މާލޭގައި ދިރިއުޅޭ ފަރާތްތަކަށް ދިމާވެދާނެ ދަތިތަކަށް މާފަށްވެސް އެދިވަޑައިގެންފައެވެ.