ސައުދީގައި ހާލުގައިޖެހި ތާށިވެފައި ތިބި ހިޖްރާ އުމްރާ ގްރޫޕްގެ އުމްރާވެރިންނަށް އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ގުޅުއްވައިފިއެެވެ
އެ އުމްރާ ގްރޫޕްގެ ފަރާތުން ދިޔަ މީހަކު ސޯޝަލް މީޑިޔާތަކުގައި ބުނެފައި ވަނީ އޭނާއަކީ އެ ގްރޫޕްގެ ފަރާތުން އުމްރާއަށް އައިސް ހުރި މީހެއް ކަމަށާއި ކުރިމަތިވެފައިވަނީ އުދަގޫ ހާލަތެއްކަމަށެއެވެ. އަދި މި ގްރޫޕްގައި އޭނާއާއެކު 25 ވަރަކަށް މީހުން އައިސް މައްކާގައި ތިބި ކަމަށްވެސް އޭނާ ބުނެފައި ވެއެވެ
ކުޑަކުޑަ ތުއްތު ކުދިންވެސް އެބަތިބި، އަޅުގަނޑުމެން ރާއްޖެއިން ފުރުމުގެ ކަންތައް ދިޔައީ ވަރަށް ހާލުގައި، އުދަގޫ ތަޅުވާ ތަޅުވާފައި އަޅުގަނޑުމެން މިތިބީ ވަރުބަލިވެފައި. ފްލައިޓަކުން މައްކާއަށް ފޮނުވީ، މައްކާގައި އަޅުގަނޑުމެން ތިއްބާ އެއް ރޭ ދަންވަރު އަޅުގަނޑު ހޮޓަލުންވެސް ބޭރުކޮށްލާ މިތިބީ ރާއްޖެއަށް ނާދެވިފައި އެމީހާ ބުނެފައި ވަނީ މިހާރު އުމްރާގެ ހުރިހާ ކަމެއްގައިވެސް ހާލުގައި ޖެހިފައިވާ ކަމަށެވެ
މިމީހުން ހަދަންއުޅޭގޮތެއް ނޭގެ. އެއްވެސް މީހަކަށް މިއަދާހަމައަށް ރިޓާން ޓިކެޓެއް މި މީހުން ނުދޭ، އަދި ޓިކެޓް ނުވެސް ނަގާ އަދިވެސް، ވަޒީފާއަށް ދާންޖެހޭ މީހުންވެސް އެބަތިބި. ޗުއްޓީ ހަމަވެގެން ޑިއުޓީއަށް ދާން ޖެހޭ ބަޔަކު ޑިއުޓީއަށް ނުދެވިފައި މިތިބީ، ސްކޫލް ހުޅުވިގެން ކިޔަވަން ނުދެވިފައި ކުޑަކުދިން އެބަ ތިބި. މިއީ އެހީތެރިކަމަށް ބޭނުންވަވަގުތެއް.
ވަޒީރު ވިދާޅުވީ، މައްކާގައި މިވަގުތުގައި އޮތް މޯލްޑިވްސް ޙައްޖު ކޯޕަރޭޝަންގެ މެދުވެރިކޮށް، ހާލުގައި ޖެހުނު އުމްރާވެރިންނަށް އެހީވުމަށް މަސައްކަތްކުރަމުންދާ ކަަމަށެވެ އަދިވާނީ ހައްޖު ކޯޕަރޭޝަންގެ އެމްޑީއަށް އިރުޝާދުދީފައިކަމަށެއެވެ.
ވަޒީރު ވިދާޅުވީ، ދިވެހި އެއްވެސް ރައްޔިތަކަށް ދިމާވާ ދަތިކަމެއްގައި އެހީ ނުވެ ނުތިބޭނެ ކަމަށާއި، ރައީސް އަބަދުވެސް އިރުޝާދު ދެއްވަނީ ރައްޔިތުންނާ ގާތުން މަސައްކަތްކުރުމަށް ކަމަށެއެވެ. މުޅިރާއްޖެ މީޑިޔާއަށް މައުލޫމާތު ލިބިފައިވާގިތުގައި މިބެފުޅުންނަށް އެހީތެރިވުމުގެ މަސައްކަތް މިހާރުދަނީ ކުރަމުންނެއެވެ.
މައްކާގައި ދަތިޙާލަތެއް މެދުވެރިވެފައިވާ އުމްރާވެރިންގެ ބޭފުޅުންނާ މިރޭ އަޅުގަނޑުވަނީ ގުޅައި ވާހަކަ ދައްކައި މިހާރުގެ ޙާލަތު ބަލައިފައި. އިންޝާ ﷲ އެބޭފުޅުންނަށް ދިމާވެފައިވާ ދަތިކަން ހައްލުކުރުމަށް މިދަނީ މަސައްކަތްކުރަމުން، މިނިސްޓަރ ވަޒީރު ވަނީ އުމްރާވެރިންނާ މެދު އިހްމާލުވި ހިޖުރަ ގްރޫޕްގެ ވެރިންގެ މައްސަލަ ތަހުގީގުކޮށް އަވަސް ފިޔަވަޅު އަޅާނެ ކަމުގެ ޔަގީންކަވްސް މިރޭ ދެއްވާފައެވެ.
